Smartphone Privacy Tracking Tips: શું તમે ક્યારેય વિચાર્યું છે કે તમે જે ફોનનો ઉપયોગ કરી રહ્યા છો, તે જ ફોન તમને સતત ‘ઓબ્ઝર્વ’ કરી રહ્યો છે? હા, તમારો સ્માર્ટફોન તમારી આદતો, લોકેશન, પસંદ-નાપસંદ અને રોજિંદી પ્રવૃત્તિઓનો ડેટા ચોરીછૂપીથી ભેગો કરતો રહે છે. જોકે કંપનીઓ આનો ઉપયોગ યુઝર એક્સપિરિયન્સ સુધારવા માટે કરે છે, પરંતુ તમારી પ્રાઈવસી જોખમમાં હોઈ શકે છે.
જાણો એવી 7 વસ્તુઓ જે તમારો Smartphone તમારી જાણ બહાર ટ્રેક કરી રહ્યો છે:
1. તમારું લોકેશન (Location History)
તમે ક્યાં જાવ છો, કેટલો સમય રોકાવ છો, તે બધું જ Smartphone સેવ કરતો રહે છે. ગૂગલ મેપ્સ, રાઈડ એપ્સ અને સોશિયલ મીડિયા સતત લોકેશન ડેટા રેકોર્ડ કરે છે. તેથી જ ઘણીવાર સર્ચ કર્યા વગર જ તમને આસપાસની રેસ્ટોરન્ટ કે દુકાનોની એડ દેખાવા લાગે છે.
2. સર્ચ અને બ્રાઉઝિંગ આદતો
તમે ઇન્ટરનેટ પર શું સર્ચ કરો છો, કઈ વેબસાઇટ પર કેટલો સમય વિતાવો છો, તે બધું જ ટ્રેક થાય છે. આ ડેટાની મદદથી તમને પર્સનલાઇઝ્ડ એડ બતાવવામાં આવે છે. દા.ત. જો તમે નવા બૂટ સર્ચ કર્યા હોય, તો થોડી જ વારમાં દરેક એપ પર તમને બૂટની એડ દેખાશે.
3. કઈ એપ કેટલો સમય વાપરો છો?
તમે સોશિયલ મીડિયા પર કેટલો સમય વિતાવો છો અને કઈ એપ સૌથી વધુ વાપરો છો, તેનો રેકોર્ડ ફોન રાખે છે. આ ડેટા દ્વારા કંપનીઓ યુઝર બિહેવિયર (વપરાશકર્તાનું વર્તન) સમજે છે.
4. વોઇસ કમાન્ડ અને માઇક્રોફોન એક્ટિવિટી
જ્યારે તમે વોઇસ આસિસ્ટન્ટનો ઉપયોગ કરો છો, ત્યારે માઇક્રોફોન એક્ટિવ હોય છે. કેટલીક એપ્સ પરમિશન લીધા પછી તમારો ઓડિયો ડેટા એક્સેસ કરે છે. ઘણા યુઝર્સને અનુભવ હશે કે કોઈ વસ્તુ વિશે વાત કર્યા પછી તેની એડ તરત જ ફોનમાં દેખાય છે.
5. ફિટનેસ અને મૂવમેન્ટ ડેટા
ફોનમાં રહેલા સેન્સર્સ તમે કેટલા ડગલાં ચાલ્યા, ક્યાં દોડ્યા અને તમારી ફિઝિકલ એક્ટિવિટી શું છે, તે પણ રેકોર્ડ કરે છે. હેલ્થ એપ્સ આ ડેટાનો ઉપયોગ રિપોર્ટ તૈયાર કરવા માટે કરે છે.
6. ખરીદી અને પેમેન્ટ પેટર્ન
તમે ઓનલાઇન શું ખરીદો છો, કયા પ્રકારની વસ્તુઓ જોવો છો અને પેમેન્ટ કેવી રીતે કરો છો, તેની માહિતી સિસ્ટમ સતત શીખતી રહે છે. આથી જ ઈ-કોમર્સ એપ્સ તમને આકર્ષક ઓફરો મોકલે છે.
7. ફોટા અને ફેસ ડેટા
કેમેરા એપ અને ક્લાઉડ સર્વિસ તમારા ફોટામાં રહેલા ચહેરા, લોકેશન અને વસ્તુઓને ઓળખી શકે છે. આ ટેકનોલોજી દ્વારા જ ફોટા ઓટોમેટિકલી People, Trips કે Events ના ટેગ સાથે મેનેજ થાય છે.
આ પણ વાંચો: WhatsApp યુઝર્સ સાવધાન! હવે ફોનમાં સિમ કાર્ડ વગર વૉટ્સએપ નહીં ચાલે, જાણો સરકારનો નવો નિયમ
