Mini John Cooper Works 1965 Victory Edition: મિની કૂપરના ચાહકો માટે ખુશખબર છે! કંપનીએ તેની સ્પેશિયલ એડિશન ‘મિની જોન કૂપર વર્ક્સ 1965 વિક્ટરી એડિશન’ (Mini JCW 1965 Victory Edition) પરથી પડદો હટાવ્યો છે. આ કાર માત્ર દેખાવમાં જ નહીં, પણ પર્ફોર્મન્સમાં પણ સુપર ફાસ્ટ છે. આ સ્પેશિયલ એડિશન 1965ની ઐતિહાસિક મોન્ટે કાર્લો રેલીની જીતની યાદમાં લોન્ચ કરવામાં આવી છે.
Mini John Cooper Works 1965ની જીતની કહાની
1965માં ડ્રાઈવર ટિમો મેકિનેને મિની કૂપર S સાથે રેસ જીતી હતી, જેનો નંબર ’52’ હતો. આ નવી કાર પર પણ ગર્વ સાથે નંબર 52 ના ગ્રાફિક્સ આપવામાં આવ્યા છે. કારને ‘ચિલી રેડ’ કલરમાં રજૂ કરવામાં આવી છે, જે તેને ક્લાસિક રેટ્રો અને મોર્ડન સ્પોર્ટી લુક આપે છે.
પાવરફુલ એન્જિન અને સુપર ફાસ્ટ સ્પીડ
આ કાર ત્રણ પાવરફુલ વેરિઅન્ટમાં ઉપલબ્ધ થશે:
- કૂપર S (પેટ્રોલ): 204 bhp પાવર, 0-100 કિમીની સ્પીડ માત્ર 6.6 સેકન્ડમાં.
- JCW (પેટ્રોલ): 231 bhp પાવર, 0-100 કિમીની સ્પીડ માત્ર 6.1 સેકન્ડમાં.
- ફુલી ઇલેક્ટ્રિક JCW: આ સૌથી તેજ છે! 258 bhp પાવર સાથે તે માત્ર 5.9 સેકન્ડમાં 100ની સ્પીડ પકડી લે છે.
ઇન્ટિરિયર અને હાઇ-ટેક ફીચર્સ
કારમાં અંદર બેસતા જ તમને લક્ઝરી અને રેસિંગનો અનુભવ થશે:
- હર્મન સાઉન્ડ સિસ્ટમ: પ્રીમિયમ મ્યુઝિક અનુભવ માટે હર્મન કાર્ડન ઓડિયો.
- પૈનોરેમિક ગ્લાસ રૂફ: જે કારને અંદરથી વધુ ખુલ્લી અને પ્રીમિયમ બનાવે છે.
- OLED ટચસ્ક્રીન: ડેશબોર્ડ પર ગોળાકાર OLED સ્ક્રીન જે મિની ઓપરેટિંગ સિસ્ટમ 9 પર ચાલે છે.
- અન્ય ફીચર્સ: 360-ડિગ્રી કેમેરા, વાયરલેસ ચાર્જિંગ, હેડ-અપ ડિસ્પ્લે અને હીટેડ સ્પોર્ટ્સ સીટ્સ.
ક્યારે મળશે?
આ સ્પેશિયલ એડિશનનું ઉત્પાદન UK ના ઓક્સફોર્ડ પ્લાન્ટમાં થશે. તેની ડિલિવરી 2026 ના બીજા ક્વાર્ટર (એપ્રિલ-જૂન) થી શરૂ થવાની ધારણા છે. આ એક લિમિટેડ એડિશન હોવાથી તેની સંખ્યા મર્યાદિત હશે.
આ પણ વાંચો: WhatsApp યુઝર્સ સાવધાન! હવે ફોનમાં સિમ કાર્ડ વગર વૉટ્સએપ નહીં ચાલે, જાણો સરકારનો નવો નિયમ
