Why People Watch Porn Research: આજના ડિજિટલ યુગમાં ઇન્ટરનેટ અને સ્માર્ટફોન આપણી જિંદગીનો અભિન્ન હિસ્સો બની ગયા છે. મનોરંજનથી લઈને માહિતી સુધી બધું જ એક ક્લિક પર ઉપલબ્ધ છે. પરંતુ આ સુવિધાની સાથે એક નવો ટ્રેન્ડ પણ વધ્યો છે અને તે છે ‘પોર્ન’ જોવાની આદત. તાજેતરમાં જ ભારત સરકારે અશ્લીલ કન્ટેન્ટ પીરસતા 5 OTT પ્લેટફોર્મ્સ પર પ્રતિબંધ મૂક્યો છે, ત્યારે પ્રશ્ન એ થાય છે કે – આખરે લોકો પોર્ન જુએ છે કેમ?
શું આ માત્ર કુતૂહલ છે, કે પછી તેની પાછળ કોઈ ઊંડું મનોવૈજ્ઞાનિક કારણ છે? આ સવાલોના જવાબ શોધવા માટે ઇન્ટરનેશનલ રિસર્ચર્સની એક ટીમે અભ્યાસ કર્યો, જેના તારણો અત્યંત ચોંકાવનારા છે.
300 વિદ્યાર્થીઓ પર થયેલું Porn Research
‘જર્નલ ઇવોલ્યુશનરી સાયકોલોજી’માં પ્રકાશિત થયેલા આ રિસર્ચમાં 276 કોલેજ વિદ્યાર્થીઓને સીધો સવાલ પૂછવામાં આવ્યો હતો: “તમે પોર્ન કેમ જુઓ છો?” આ સવાલના જવાબમાં કુલ 78 અલગ-અલગ કારણો સામે આવ્યા. સંશોધકોએ આ તમામ કારણોને મુખ્ય 4 ભાગમાં વહેંચ્યા છે.
1. સેક્સ ડ્રાઇવ અને મનોરંજન
રિસર્ચમાં સૌથી મોટું કારણ ‘વધેલી સેક્સ ડ્રાઇવ’ (Sex Drive) જોવા મળ્યું. ઘણા લોકોએ સ્વીકાર્યું કે તેઓ ઉત્તેજના, ફેન્ટસી, ત્વરિત સંતોષ અથવા તો માત્ર કંટાળો દૂર કરવા માટે પોર્ન જુએ છે. કેટલાક માટે તે માત્ર મનોરંજનનું સાધન કે આદત બની ગઈ છે.
2. શીખવાની અને પરફોર્મન્સ સુધારવાની ઈચ્છા
ચોંકાવનારી વાત એ છે કે, ઘણા યુવાનો પોર્નને એક ‘લર્નિંગ ટૂલ’ (શીખવાના સાધન) તરીકે જુએ છે. તેઓ માને છે કે આનાથી તેઓ નવી ટેકનિક શીખી શકે છે અને તેમના પાર્ટનર સાથે વધુ સારું તાલમેલ બેસાડી શકે છે. શીખવાની આ બાબતમાં પુરુષો અને મહિલાઓ બંનેનો સ્કોર લગભગ સરખો જોવા મળ્યો હતો.
3. સામાજિક પ્રભાવ અને મિત્રોનું દબાણ
ત્રીજું કારણ સામાજિક છે. મિત્રો વચ્ચે થતી ચર્ચાઓ, સાથે બેસીને જોવું, કોઈ ખાસ એક્ટર કે એક્ટ્રેસની લોકપ્રિયતા અથવા તો માત્ર ટાઈમ પાસ કરવા માટે પણ લોકો પોર્ન તરફ વળે છે.
4. માનસિક ખાલીપો અને તણાવ (Stress)
ઘણા લોકો એકલતા, સંબંધોમાં ખટાશ, પાર્ટનરથી દૂરી અથવા માનસિક તણાવમાંથી ધ્યાન ભટકાવવા માટે પોર્નનો સહારો લે છે. આ સ્થિતિમાં પોર્ન જોવું એ એક પ્રકારની ‘તાત્કાલિક રાહત’ મેળવવાનો રસ્તો બની જાય છે.
પુરુષો અને મહિલાઓમાં તફાવત
રિસર્ચમાં જાણવા મળ્યું કે મોટાભાગની કેટેગરીમાં પુરુષોનો સ્કોર મહિલાઓ કરતા વધારે હતો. ખાસ કરીને જે લોકો કમિટિડ રિલેશનશિપ કરતા ‘કેઝ્યુઅલ રિલેશન’માં વધુ રસ ધરાવતા હતા, તેઓ ઉત્તેજના અને સેક્સ ડ્રાઇવને કારણે વધુ પોર્ન જોતા હોવાનું સામે આવ્યું છે.
આ પણ વાંચો: Life Style : “પરફેક્ટ” નહીં, “ખુશ” લાઈફસ્ટાઈલ કેવી રીતે જીવવી?