Dev Anand Black Coat Ban: બોલિવૂડમાં અનેક કલાકારો આવ્યા અને ગયા, પણ ‘એવરગ્રીન’ કહેવાય તેવા અભિનેતા એટલે દેવ આનંદ. તેમની નમણી આંખો, ચાલવાની અનોખી સ્ટાઈલ અને ગરદન નમાવીને બોલવાની રીત પર આખું ભારત ફિદા હતું. પણ શું તમે જાણો છો કે બોલિવૂડના ઈતિહાસમાં દેવ આનંદ એકમાત્ર એવા હીરો હતા, જેમના કપડાંને કારણે કાયદો અને વ્યવસ્થા જોખમાઈ હતી?
Dev Anand : જ્યારે કાળો કોટ ‘જોખમી’ બન્યો
વાત છે ૧૯૫૮ની, જ્યારે દેવ આનંદની ફિલ્મ ‘કાલા પાની‘ રિલીઝ થઈ હતી. આ ફિલ્મમાં દેવ આનંદ સફેદ શર્ટ અને કાળા કોટમાં એટલા હેન્ડસમ દેખાતા હતા કે તેમનો આ લુક એક ‘નેશનલ ક્રેઝ’ બની ગયો. યુવાનોએ તેમની સ્ટાઈલ કોપી કરવાનું શરૂ કર્યું, પણ યુવતીઓમાં તો પાગલપન કંઈક અલગ જ સ્તરે હતું.
છત પરથી કૂદવા તૈયાર હતી યુવતીઓ!
એવું કહેવાય છે કે જ્યારે દેવ આનંદ કાળો કોટ પહેરીને કોઈ સાર્વજનિક સ્થળે નીકળતા, ત્યારે યુવતીઓ ભાન ભૂલી જતી. તેમને એક નજર જોવા માટે ભીડ એટલી બેકાબૂ થઈ જતી કે પોલીસ માટે લાઠીચાર્જ કરવો પડતો.
સૌથી ચોંકાવનારી વાત તો એ છે કે, કેટલીક યુવતીઓએ તો દેવ આનંદની એક ઝલક મેળવવા માટે ઇમારતોની છત પરથી કૂદવાના પણ પ્રયાસો કર્યા હતા. દેવ આનંદનો ‘કાળો જાદુ’ યુવતીઓના દિલ પર એવો તે સવાર હતો કે તેઓ લોહીથી તેમને પત્ર લખતી હતી.
કોર્ટે હસ્તક્ષેપ કરવો પડ્યો
જ્યારે ભીડને કારણે અકસ્માતોની સંખ્યા વધવા લાગી અને સુરક્ષા એજન્સીઓ માટે મુશ્કેલી ઊભી થઈ, ત્યારે આ મામલો કોર્ટ સુધી પહોંચ્યો. સામાન્ય રીતે કોર્ટ ગુનેગારો પર પ્રતિબંધ મૂકે છે, પણ અહીં એક કલાકારની ‘ખૂબસૂરતી’ પર પ્રતિબંધ મૂકવાની નોબત આવી.
કોર્ટે પ્રશંસકોની સુરક્ષા અને અફરાતફરી રોકવા માટે દેવ આનંદને સાર્વજનિક સ્થળોએ ‘કાળો કોટ’ (Black Coat) પહેરવા પર સત્તાવાર રીતે પ્રતિબંધ મૂક્યો હતો.
એવરગ્રીન વારસો
આજે પણ બોલિવૂડના ઈતિહાસમાં આ કિસ્સો સુવર્ણ અક્ષરે લખાયેલો છે. દેવ આનંદે કોર્ટના આદેશનું સન્માન કર્યું, પણ તેમનો જાદુ ક્યારેય ઓછો ન થયો. કાળો કોટ ઉતાર્યા પછી પણ તેઓ વર્ષો સુધી કરોડો દિલો પર રાજ કરતા રહ્યા.
આ પણ વાંચો: Life Style : “પરફેક્ટ” નહીં, “ખુશ” લાઈફસ્ટાઈલ કેવી રીતે જીવવી?
